ඒකාබද්ධ විපක්ෂයේ විශේෂ සාකච්ඡාවක් හෙට

‍ඒකාබද්ධ විපක්ෂයේ විශේෂ සාකච්ඡාවක් හෙට (10) දිනයේදී පැවැත්විමට නියමිතය.

හෙට පස්වරුවේ හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් හිටපු ජනාධිපතිවරයාගේ නිල නිවසේදී මෙම සාකච්ඡාව පැවැත්වෙන බව පාර්ලිමේන්තු මන්ත්‍රී දිනේෂ් ගුණවර්ධන මහතා සඳහන් කළේය.

අග්‍රාමාත්‍ය රනිල් වික්‍රමසිංහ මහතාට එරෙහිව ගෙන ආ විශ්වාසභංග යෝජනාවෙන් අනතුරුව ඒකාබද්ධ විප්කෂයේ මන්ත්‍රි කණ්ඩායම හමුවන පළමු අවස්ථාව මෙය බව සඳහන්ය.

කෙසේවෙතත් මෙහිදී විශ්වාසභංග යෝජනාව පරාජයවිමට බලපෑ කරුණු සම්බන්ධයෙන් සාකච්ඡා කිරිමට ද නියමිතව තිබේ.

එමෙන්ම ඉදිරි දේශපාලනික කටයුතු සම්බන්ධයෙන් ද මෙහිදී සාකච්ඡා කිරිමට සැලසුම් කර ඇති බවයි දිනේෂ් ගුණවර්ධන මන්ත්‍රීවරයා සඳහන් කළේය.