මැලේසියා හිටපු අගමැති නජීබ්ට රටින් පිටවීම තහනම්

මැලේසියාවේ හිටපු අග්‍රාමාත්‍ය නජීබ් රසාක්ට සහ ඔහුගේ බිරිඳට රටින් පිටවීමට තහනමක් පනවා තිබෙනවා. නජීබ් රසාක් සහ ඔහුගේ පවුල් හිතවතුන් සතියක නිවාඩුවක් සදහා විදෙස් රටකට යාමට සැළසුම්කර ඇති බව පැවසීමත් සමඟයි එරට ආගමන විගමන දෙපාර්තමේන්තුව මෙම තහනම පැනවීමට කටයුතු කළේ. පසුගියදා පැවති මැතිවරණයෙන් නජීබ් රසාක් නියෝජනය කළ බී එන් සභාගය දැඩි පරාජයකට ලක්වුණා. 2015 වසරේ දී රාජ්‍ය ආයෝජක අරමුදලෙන් ඩොලර් මිලියන 700 ක මුදලක් අවභාවිත කිරීමක් සම්බන්ධයෙන් ඔහුට චෝදනා එල්ලවී තිබෙනවා. ඒ පිළිබඳ පරීක්ෂණ ක්‍රියාත්මක කිරීමට නියමිත වීම හේතුවෙනුයි නජීබ් රසාක්ගේ විදෙස් සංචාරය තහනම් කිරීමට කටයුතුකර ඇත්තේ.