තරගයේ වැඩි වාසි කොදෙව්වන්ට

සංචාරක ශී‍්‍ර ලංකා කණ්ඩායම සහ බටහිර ඉන්දීය කොදෙව් කණ්ඩායම අතර පැවැත්වෙන පළමු ටෙස්ට් කි‍්‍රකට් තරගයේ තුන්වන දින නිමා වනවිට තරගයේ වැඩි වාසි අත්කර ගැනීමට කොදෙව් කණ්ඩායම සමත්ව සිටියා. සිය දෙවෙනි ඉනිම කි‍්‍රඩා කළ කොදෙව් කණ්ඩායම තුන්වන දිනය නිමාවන විට කඩුලූ 04ක් දැවී ලකුණු 131 රැස්කර ගෙන සිටියා.

කොදෙව්වන් පළමු ඉනිමේදි කඩුළු 08ක් දැවී ලකුණු 414ක් රැස්කළා. ශී‍්‍ර ලංකා කණ්ඩායමට පළමු ඉනිමේදී සියල්ලන් දැවී රැුස් කර ගත හැකිවූයේ ලකුණු 185ක් පමණයි. නායක දිනේෂ් චන්දිමාල් ලකුණු 44 කට දැවී ගියා. නිරෝෂන් දික්වැල් ලකුණු 31යි. ඒ අනුව කොදෙව් කණ්ඩායම කඩුළු 06ක් අතැතිව ශී‍්‍ර ලංකා පළමු ඉනිමට වඩා ලකුණු 360ක් ඉදිරියෙන් සිටිනවා. තරගය පැවැත්වෙන්නේ ටි‍්‍රනිඩෑඞ්හිදීයි.