හිටපු ජනපති මැතිවරණයකට ගියේ ජාත්‍යනර අභියෝගයට මුහුණ දීමට නොහැකි නිසයි

හිටපු ජනපති මහින්ද රාජපක්ෂ මහතා 2015 ජනපතිවරණයට පිවිසියේ ජාත්‍යන්තරයෙන් එල්ල වූ අභියෝගයට. මුහුණදීමට නොහැකි නිසා බව ජනපති මෛත්‍රීපාල සිරිසේන මහතා පැවැසීය. අද පෙරවරුවේ පැවැති මාධ්‍ය ආයතන ප්‍රධානීන්ගේ හමුවේදී ජනපතිවරයා මේ බව ප්‍රකාශ කළේය.

” ලබන සතියේදී මම එක්සත් ජාතීන්ගේ සමුළුවට එක්වෙනවා. එහිදී මානව හිමිකම් කොමසාරිස්වරිය හමුවීමටත් බලාපොරොත්තු වෙනවා. මෙහිදී අපට එල්ල වී ඇති යොජනා මෙන්ම පැමිණිලි ගැනත් ඔබ දන්නවා. මෙම පැමිණිලි ඉදිරිපත් කර තිබෙන්නේ එල්.ටී.ටී.ඊ. හිතවාදී රාජ්‍ය නොවන ඇතැම් සංවිධාන. ඊට ජාත්‍යන්තර සංවිධාන සහාය දී තිබෙනවා.

පැවැති රජයේ ප්‍රශ්ණ නිසා එක්සත් ජාතීන්ගේ සංවිධානය අපෙන් ඈත් වුණා. මේ නිසි බරපතල ගැටලු ඇතිවුණා. අවාසිදායක තත්ත්වයන් ඇතිවණා. 2015 මැතිවරණයෙන් මම ජයග්‍රහණය කරන විට අපිට සම්බාධක පැනවීම ආරම්භ කර තිබුණේ. යුරෝපා මත්ස්‍ය තහනම, ජී.එස්.පී. ප්ලස් සහනය ඉවත් කර තිබුණා.

හිටපු ජනපති ජනපතිවරණයකට ගියේ UNHRC ඇතුළු ජාත්‍යන්තර බලවේගවග බලපෑම හා ප්‍රභල රාජ්‍ය එල්ල කළ අභියෝගයට මුහුණදීමට නොහැකි නිසයි. අපි එක්සත් ජාතීන්ගේ සංවිධානය සමග මිත්‍රශීලිත්වයක් ගොඩනගාගෙන තිබෙනවා. මානව හිමිකම් කොමිසම සමගත් මිත්‍රශීලී බවක් ඇති කර ගත්තා. “