Gossip

ඔහු ඒ කාලේ රජෙක් වගේ ජීවත් වුණු කෙනෙක් – ඒ කාන්තාව කළේ කපටිකමක් – වික්ටර් රත්නායකයන්ගේ දියණිය පළමුවරට මාධ්‍යයට කියපු කතාව

මංජුලා රත්නායක. මේ නමවත් රූපයවත් කාටවත් හුරු නැති වුණාට ඇය වික්ටර් රත්නායකගේ ආදරණීය දියණිය වනවා. ඉතින් ඇය මුල්වතාවට මාධ්‍යය සමග කතාබහක නිරත වෙලා තියෙනවා. මේ පුවත්පතක සඳහන් වූ ඇය කියූ තොරතුරුයි.

ආචාර්ය විකටර් රත්නායකගේ පුතුන් විදියට පමණක් නොවෙයි සංගීතඥයන් විදිහටත් ඔබෙි සොහොයුරන් දෙදෙනා රටේ ප්‍රසිද්ධයි. නමුත් ඔබ මේ පළමු වරට තමයි මාධ්‍ය ඉදිරියට ඇවිත් ඔබ ගැන කියන්නේ?
ඔව්. හුඟක් අය වික්ටර් රත්නායකගේ දුව විදිහට මාව අඳුරන්නේ නෑ තමයි. හැබැයි ක්ෂේත්‍රයේ අය නම් මාව හඳුනනවා. මොකද ඉස්සර ඉඳන්ම තාත්තාගේ ප්‍රසංගවලට ඔහුත් එක්ක මම සහභාගී වෙලා තියෙනවා.

ඒ ප්‍රසංගවලට ඔබ එකතු වුණේ ගායිකාවන් විදියටද එහෙමත් නැත්නම් තාත්තගේ තනි නොතනියටද?
මම ඒ ප්‍රසංගවලදී තාත්තාගේ ගීතවලට සමූහ ගායනයෙන් එක් වුණා.

තාත්තාගේ සංගීත කටයුතුත් එක්ක පොඩි කාලේ ගෙදර තිබුණේ මොන වගේ වටපිටාවක්ද?
තාත්තා ඉස්සර ගෙදර සංගීත පන්ති පැවැත්වූවා. තාත්තා පන්ති කරන වේලාවට අපි හතර දෙනාට කාමරයෙන් එළියට බහින්නවත් අම්මාට ඉඩ දෙන්නේ නැහැ. ඒ වෙලාවට අපි ගෙදර නෑ වගෙයි පේන්නේ. තාත්තා එළියට ගියාම තමයි අපි කාමරෙන් එළියට ඇවිත් දඟලන්නේ.

ඔබ අදහස් කළේ තාත්තාගේ වැඩ කටයුතුවලට අම්මාගෙන් විශාල සහයෝගයක් ලැබුණා කියන එකද?
ඔව්.තාත්තා වෙනුවෙන් අම්මා ලොකු මෙහෙවරක් කළා. ඒ කාලේ හැම සතියකම වගේ “ස” ප්‍රසංග තිබුණ නිසා අපේ ගෙදර තිබුණේ බොහොම කාර්ය බහුල පරිසරයක්. අපේ ගෙදරට එන තාත්තාගේ යාළුවන්ට අම්මා තමයි තනිවම සංග්‍රහ කලේ. තාත්තා ගායනා කළ ගීත පවා පොත්වල ලියැවුණේ අම්මගේ අත් අකුරින්. අපි හතර දෙනා අතර ලොකු වයස් පරතරයක් නොතිබුණු නිසා අම්මාට ඒ දවස්වල හුගක් මහන්සිවෙන්න සිද්ධ වුණා.

ඔබේ සොහොයුරන් දෙදෙනාට නම් සංගීත ක්ෂේත්‍රයෙන් ඉදිරියට යෑම තාත්තා තහනම් කළේ නැහැ නේද?
ඒ දෙන්නාටත් තාත්තා ලොකු අනුබලයක් දුන්නේ නැහැ. ඒත් තාත්තා පස්සේ ජයන්ත අයියාව ඔහුගේ ප්‍රසංග වලට එකතු කරගත්තා.

සංගීත පැත්තෙන් ඉදිරියට යන්න උනන්දු නොකළට පියකු විදියට ඔහු තමන්ගේ යුතුකම් කොටස ඉටු කරන්න ඇති?
ඔව්. තාත්තා අප වෙනුවෙන් යුතුකම් ඉටු නොකළා කියලා කියන්න බැහැ. අපි කසාද බැන්දාට පස්සේත් ඔහු අපි ගැන සොයා බැලුවා.

අම්මාගේ අභාවයෙන් දරුවන් ඔහු ගැන සොයා බැලුවේ නැහැ කියලා චෝදනාවක් ඔබේ පියාගේ පැත්තෙන් එල්ල වුණා. ඇත්තද ඒ කතාව?
අම්මාගේ අභාවයෙන් පස්සේ තාත්තාටත් අපි හතර දෙනා එක්කම ලොකු සම්බන්ධතාවක් තිබුණා. අපි ඔහුව සැලකුවේ නෑ කියනවා නම් ඒක බොරුවක්. අපි ගැන දන්නා අයනම් දන්නවා ඇත්ත. මොකක්ද ඇත්ත කියලා මෑතකදී ඇති වුණු ගැටලුවත් එක්ක තමයි අපේ සම්බන්ධතාවය දුරස් වෙලා ගියේ.

ආචාර්ය වික්ටර රත්නායකගේ දෙවැනි විවාහය ගැන මෑත කාලයේ විශාල වශයෙන් කතා බහට ලක් වුණා.ඔබේ සහෝදරයන් දෙදෙනාත් ඔබේ පියාව විවේචනය කරමින් මාධ්‍ය වෙත අදස් පළකර තිබුණා. දියණිය විදිහට ඔබ මේ කියන සිදුවීම දකින්නේ මොන විදිහටද?
ඔය ප්‍රශ්නෙදි අයියයි මල්ලීයි ඉන්න මතයේම තමයි මමත් ඉන්නේ. ඇත්තටම දැන් මම ඒක කතා කරන්නත් අකමැති මාතෘකාවක්. තාත්තාට හොඳ නම් අපට කමක් නෑ කියලා මම පැත්තකට වෙලා ඉන්නවා.

ආචාර්ය වික්ටර් රත්නායකයන් රටම ගරු කරන සංගීතඥයෙක්. මේ සිදුවීම නිසා ඔහුව විවේචනය කරන පිරිසකුත් ඉන්නවා. ඔබ අද තාත්තාව දකින්නේ මොන විදියටද?
මට දැන් තාත්තා ගැන තියෙන්නේ අනුකම්පාවක් විතරයි. ඔහු ඒ කාලේ රජෙක් වගේ බොහොම ගාම්භිර බවකින් ජීවත් වුණු කෙනෙක්. ඔහු කවදාවත් ඔය විදිහට ජීවත් වෙන්න ඕනෑ කෙනෙක් නොවෙයි. ඒ කාන්තාව කළේ කපටි කමක්. මට නම් හිතෙන්නේ මේක ඔහුට මොනවා හරි දීලා කරපු දෙයක් කියලයි.

More from Gossip

“ඇයත් ඉතාම සරලව ජීවත්වෙන කෙනෙක්‌. මමත් පොළොවේ පය ගහලා ජීවත් වෙන කෙනෙක්‌”

රොෂාන් පිලපිටිය කියන්නේ කා අතරත් ජනප්‍රිය කාගෙත් ආදරය දිනාගත්තු ජනප්‍රිය නළුවෙක්. රොෂාන් පිලපිටියගේ විවාහයත් එක්ක විවිධ කතා හැමතැනම වගේ පැතිරුණා. මේ රොෂාන් සතිඅන්ත පුවත්පතකට තමන්ගේ අලුත්ම විස්තර මේ විදිහට කියලා තිබුණා. ඉස්‌සර නං රොෂාන්ව දැක්‌කේ හරවත් නිර්මාණවල. හැබැයි දැන් නං … read more

“මාව දැකලා තියෙන්නේ හොට් විදියට, එයා මගේ බබාට පුදුම විදියට ආදරෙයි, මම දඟලන්නේ මම ආසා කරන දේවල්වලට විතරයි”

පියුමි හංසමාලි කියන්නේ කාලෙන් කාලෙට කරළියට එන පුවත් මවන චරිතයක්. ඉතිං පියුමිගේ ජීවිතයේ ලොකු වෙනසක් ළඟදීම සිද්ධ වෙනවා කියන ආරංචියක් පැතිරෙන්න පටන් අරන්. ඒ ගැනයි පියුමිගේ අලුත්ම විස්තර ගැනයි මේ විදිහට පියුමි කියලා තිබුණා. කේරළයේ චිත්‍රපටයකට සම්බන්ධ වෙන්න පියුමිට හොඳ … read more

මට තියෙන්නේ කාටවත් කියාගන්න බැරි ලෙඩක්

“කාටවත් නොකී රහසක්” රිද්මට කියන්න කියලා කිව්වාම මට එකපාරටම හිතුණේ “අනේ එහෙම රහසක් මට නැහැ නේද?” කියලා. ඒත් අම්මා ළඟට ඇවිත් මගෙන් අහනවා” ගොඩක් දෙනෙක් දන්නේ නැති දෙයක් මගේ ජීවිතේ තියෙනවා නේද” කියලා. ඇත්තනේ… එහෙම දෙයක් මගේ ජීවිතේ තියෙනවා. ඒ … read more

කවුරු මොනවා කිව්වත් මට ඕන දේ කරනවා

ජිප්සීස් නායක සුනිල් පෙරේරා සංගීත ක්ෂේත්‍රය ගැන පමණක් නොවෙයි රටේ දේශපාලනය ගැනත් සෘජුව සිය අදහස් පළ කරන කලාකරුවෙක්. සංගීත ක්ෂේත්‍රය ගැන වගේම දේශපාලනය ගැනත් ඔහු දක්වන අදහස් ඇතැම් විට ආන්දෝලනාත්මක ඒවා. යහපාලන ආණ්ඩුව බලයට ගෙන ඒම සඳහා විශාල කාර්යභාරයක් ඉටු … read more

මට මඩ ගැහුවත් මම “ජයින් ජයම වේවා” කියන්නේ හදවතින්මයි – අසංක

ප්‍රසංග වේදිකාවේ නිතර දකින්න ලැබෙන ගායකයෙකු ලෙස අසංක ප්‍රියමන්ත පීරිස් හඳුන්වන්න පුළුවන්. බොහෝ කාලයක් පුරාවට සංගීත ක්ෂේත්‍රය තුළ තමන්ටම වෙන්වූ අනන්‍යතාවක් ගොඩනගා ගත් ඔහු සමාජ මාධ්‍ය තුළ කතාබහට ලක්වන්නේ වෙනත් කරුණක් නිසා බව කොයි කවුරුත් දන්නා දෙයක්. ඔහු පසුගියදා ඒ … read more

අපරාධකරු පසුපස පැයක් පොලිසිය පන්නලා අල්ලගත්ත හැටි

ඇමරිකාවේ ඇරිසෝනා ප්‍රාන්තයේදී සිදුවූ මෙම සිදුවීමට අදාල පුද්ගලයා වන්නේ 31 හැවිරිදි මිචල් තිමොති ඔහු මාර්ග නීති උල්ලංඝණය කිරීමට එරෙහිව පොලිසිය විසින් වාහනය නතර කරන ලෙස සිදුකල සංඥා මගහරිමින් විශාල විනාශයක් සිදු කරන අයුරු මෙම රොයිටර් රූපරාමු පෙළින් දිස් වෙනවා. පැයකට … read more

ශිරන්ති උපන්දිනේ සමරපු හැටි

හිටපු ජනාධිපති මහින්ද රාපක්ෂ මහතාගේ බිරිඳ ශිරන්ති රාජපක්ෂ මැතිණියගේ උපන්දිනය ඊයේ (23) දිනට යෙදී තිබුන අතර, පවුලේ අයගේ සුභපැතුම් අතරේ මහින්ද රාපක්ෂ මහතාද එක්ව උපන්දිනය සමරනු ලැබුවා. read more

IS ඉදිරි ආරක්ෂක වළල්ලේදී අනූනවයෙන් බේරෙන හැටි

වාසනාව කොහෙද කියලා ඇහුවොත් මෙන්න මේ වීඩියෝව පෙන්වන්න. මේ කතාව ඇහෙන්නේ සිරියාවෙන්, මේ දවස්වල රුසියානු ගුවන් හමුදාව විසින් දිගින් දිගටම අයිඑස් ත්‍රස්ථයන්ගේ ඉදිරි ආරක්ෂක වලල්ල වෙත එල්ලකරන ගුවන් ප්‍රහාර මධ්‍යයේ එය වාර්තා කරන්න ගිය ඉස්ලාම්වාදී වාර්තාකරුවෙකු අනුනවයෙන් බේරෙන්නෙ මෙන්න මෙහෙමයි. read more

සර්කර් සංදර්ශණයේදී සිංහයෝ ටික පැනලා අශ්වයො ටික කාලා

මේක චීනයේ පැවැත්වුන සර්කර් සංදර්ශණයක්, සර්කස් ඉතිං අමුතු දෙයක් නෙමෙයිනේ හැබැයි මේක ටිකක් විශේෂත්වයක් තියෙනවා, ඒ සිංහයන් සහ අශ්වයන් යොදාගෙන කරපු සර්කස් සංදර්ශණයක් එහෙම සර්කර් සංදර්ශණත් ඕන තරම් දැකල තියෙනවනේ. ඒත් හැබැයි මේ වගේ දෙයක් නම් කවදාවත් දැකලා නැතුව ඇති. … read more